Post la bedaŭrinda demisio de kolegino Kováts la Sekcio nun nombras 26 voĉdonrajtajn membrojn.
En la ĵusa voĉdonado partoprenis 18 kolegoj (pli ol ⅔ de la tuto), 8 kolegoj ne voĉdonis.
Laŭpersonajn listojn vidu fine de la protokolo.
Mi konkludas, ke la nuna teksto, dissendita kun la anonco pri la komenco de voĉdonado estas akceptita kiel bazo por plua laboro. Ĝi plu troveblas per la retadresoj
(Mi permesis al mi korekti la evidentan tajperaron indikitan de
Probal:
"por diversaj celo," → "por diversaj celoj,")
Mi dankas ĉiujn voĉdonintajn kolegojn.
Nun venas la tempo por amendoj. Ĉar nun ni havas bazan tekston, ni povas labori pli sisteme kaj orde.
En aparta afiŝo mi resumos la proceduron (ĝiajn principojn entenis la anonco pri la ĵusa voĉdono). Mi lasas du tagojn por klarigi eventualajn miskomprenojn (ekz‑e malĝuste kalkulita voĉo, dubinda procedura punkto); se tiaj ne estos, aŭ se ni sukcesos ĝustigi ilin dum tiu tempo, ni povos transiri al la amendoj.
La listoj estas ordigitaj alfabete laŭ la familiaj nomoj.
Sergio Pokrovskij,
Direktoro de la Gramatika Sekcio